Öskudagur - dagskrá

Öskudagsgleði verður í Hofsstaðaskóla miðvikudaginn 26. febrúar frá kl. 8:30-12:15 (skertur skóladagur). Fjölbreytt verkefni verða í boði fyrir nemendur t.d. andlitsmálun, grímugerð, hreyfifjör, spil, þrautabraut, draugahús, tölvur og öskupokasaumur. Allir nemendur eru hvattir til að mæta í búningum eða í furðufötum. Vopn sem fylgihlutir við búninga eru leyfð en ekki til að berjast með.
Nesti og matur
Eins og aðra daga hafa nemendur með sér hollt og gott nesti í morgunhressingu. Í hádeginu verður boðið upp á samlokur fyrir nemendur sem eru í áskrift, aðrir koma með hádegisnesti. Athugið að ekki verður hægt að hita í örbylgjuofni né grilli þennan dag þar sem flestir nemendur borða hádegismat í bekkjarstofum.
Regnboginn
Nemendur sem eru skráðir í Regnbogann geta farið þangað kl. 12:15 þegar skóla lýkur. Vinsamlega látið vita ef nemandinn kemur ekki! Sendið þá tilkynningu þar um á netfangið valaosk@hofsstadaskoli.is
Hlökkum til að eiga skemmtilegan öskudag með börnunum í Hofsstaðaskóla
Með bestu kveðju
stjórnendur